Fründschaftsverdräge

De Heimatvereen "Tru un fast" bedeeligt sik an de Patenschaftsarbeit twischen de Stadt Elmshorn un Jündewatt (Jyndevad) in Dänemark. Disse Patenschaft gifft dat siet 1932 un is to’n groten Deel mit Hölp vun den Heimatvereen "Tru un fast" in’e Gang komen, wieldat sik dormols Vörstandsmaat Rudolf Maaßen (1882–1975) heel dull dörför insett hett. Bit 1967 is he de "Patenunkel" för disse Fründschop ween, de bit op den hüütigen Dag nich afreten is. För de Stadt Elmshorn hett hüüt 1. Stadtroot i. R. Franz Josef Büker dat Leit in de Hannen. Eenmol in’t Johr kamt de Jündewatter mit ehr Laienspeelgruppe na Elmshorn un wiest in de "Dittchenbühne" ehr Theoterkünst. En tweten Termin, op den sik ümmer all freun dot,  is de Wiehnachtsfier in Jündewatt.

 

 

Trüch na Siet 1